Dowladda Federaalka Soomaaliya oo joojisay mudo 21 cisho ah duulimaadkii Muqdisho iyo Hargeysa.[Dhagayso]

Muqdisho:-Dowladda Federaalka Soomaaliya ayaa joojisay duulimaadyadii ka bixi jira magaalada Muqdisho ee tagi jiray magaalada Hargeysa ee xarunta Somaliland. Warqad kasoo baxday agaasimaha laanta socdaalka iyo jinsiyadda Soomaaliya, Cabdullahi Gafaow Maxamuud, ayaa lagu sheegay in amarkan uu dhaqan galayo 22-ka bishan Febraayo.

Wareysi uu siiyey VOA-da, ayaa Cabdullaahi Gaafow, waxa uu ku sheegay in soo saareen amarkan kadib markii S/land ay billowday bixinta warqad “Go Home” ama “Dalka Ka bax” ah oo la siiyo dadka soo aadaya Muqdisho, kuwaas oo 15 dollar qofkiiba looga qaado. Cabdullahi Gaafow ayaa sheegay in in muddo ah u dul qaadanayeen dhibaato uu sheegay in Somaliland ay ku hayso shacabka usoo safraya Muqdisho, balse aysan intaa ka badan dul qaadan karin.

Hoos ka Dhagayso Cabdullaahi Gaafow oo ka hadlay sababta Dowladda Federaalka Soomaaliya oo joojisay duulimaadyada Hargeysa

Source:VOA