.gif)
Maxkamadda darajada koowaad oo dil ku fulisay ragii dilay wariye Hinda Xaaji
April 9, 2016 - Written by Editor
Muqdisho:– Maxkamadda darajada koowaad ee ciidamada qalabka sido ee DFS ayaa saaka dil ku fulisay laba dhalinyaro oo lagu helay in ay ka dambeeyeen dilkii bishii December ee sanadkii hore loo geystay alaha u naxariistee wariye Hinda Xaaji Maxamed oo lagu dilay magaalada Muqdisho.
Labada Dhalinyaro ee saaka dilka lagu fuliyey ayaa waxaa ay kala yihiin Xasan Cali Nuur Faarax iyo Cabdirisaaq Maxamed Barow Caddow kuwaas oo lagu eedeeyey in ay dileen alaha u naxariistee wariye Hinda Xaaji Maxamed waxaana lagu qisaasay fagaaraha Iskuul booliisiya ee magaalada Muqdisho.
Fagaaraha Iskuul booliisiya ee magaalada Muqdisho oo qisaastu ka dhacaday ayaa waxaa goobjoog ka ahaa saraakiil ka tirsan DFS .
A/Cawale
Halgan.net
