Minhaaj-Galdogob oo booqasho dacwo ku tagtay magaalada Bursaalax.[Masawiro]

Galdogob:-Booqashada oo qaadatay 3 bari ayaa maamulka Mu’assasada iyo qaybo ka mid ah hawlwadeenadeedu ku tageen magaalada Bursaalax oo ka mid ah magaalooyinka sanadahaan danbe sida xawliga ah u korayey kana gudbay heer lagu tilmaamo tuulo, waxayna hadda leedahay dhamaan adeega magaalo leedahay islamarkaana baaxadeeduna aad bay u balaaran tahay.

Booqashadaas oo bilaabatay galabnimadii khamiista 14/4/2016 ayaa waxaa qabsoomay hawlo dacwo oo ay ugu muhiimsanaayeen:-

1) Shirar is dabajoog ah oo lagu lafa gurayey sidii loo hormarin lahaa habsami usocodka dacwada, sidoo kalena looga gudbi lahaa caqabadaha haysta, islamarkaana loo heli lahaa habab cusub oo lagu hormariyo faafinta diinta islaamka.

2) Kulamo balaaran oo isugu jiray wacdi iyo wacyigalin ayaa u qabsoomay habkii loogu talo galay. Sida: kalmado masjid jaamaca magaalada lagu qabanayey, khudbo jimce, dacwo shaaric, muxaadaro caam ah oo dumarka ah iyo kuwa kaleba.

3) Booqasho dacwadeed iyo kormeer loo samaynayey bahda waxbarashada sida dugsiga sare, machadka sharciga ah, iyo qaybo kamid ah iskuulada hoose dhexe.

Magaalada oo ka mid ah meelaha dacwo ahaan hoos taga Minhaaj-Galdogob ayaa dhawaan la qorshaynayaa in laga furo xafiis ay leedahay Mu,assasadu oo si joogto ah uga hawl gala sababtoo ah way ka balaaratay in kormeer kaliya dacwadeeda mu’assasadu wax uga qabato.

Mu’ssaadda Minhaaj
Galdogob, Somalia