Madaxweynaha dawladda Puntland oo u amba baxay dalka Itoobiya (Masawiro)

August 17, 2016 - Written by Editor

IMG_3555Madaxweynaha dawladda Puntland Dr. Cabdiweli Maxamed Cali Gaas iyo wafti uu hoggaaminayo ayaa maanta 17 Agoost, 2016 safar shaqo ugu amba baxay magaalada Addisa Ababa ee Caasimadda dalka Itoobiya.

Madaxweynaha oo ay Safarkiisa ku weheliyeen xubno ka tirsan golaha xukuumadda Puntland ayaa waxaa uu ku maqnaan doonaa magaalada Addis Ababa maalmo kooban, isagoona kulamo la qaadan doona Madaxda ugu sarraysa dalkaasi.

Madaxweynaha ayaa ka hor intii aanu ka amba bixin garoonka diyaaradaha ee Konoko waxa uu warbaahinta u sheegay in uu dalkaasi u aadi doono hawlo shaqo oo ay ka mid tahay dhammaystirka wada hadallo u socdey dawladda Puntland iyo dawladda Itoobiya oo la xiriira iskaashiga dhinacyada Ganacsiga iyo ka hor tagga xag-jirnimada.

Sidoo kale Madaxweynuhu waxa uu xusay in ay kawada hadli doonaan Puntland iyo Itoobiya sidii loo furi lahaa Kastamka Tuurdibi ee u dhexeeya Puntland iyo Itoobiya, kastamkaas oo ay Puntland dhineceeda soo dhammaystirtay dhammaan waxyaabihii looga baahnaa.

“Maanta waxaan safar shaqo oo dhowr beri ah u aadi doonaa magaalada Addis Ababa ee caasimadda dalka Itoobiya, oo aan u aadayo dhammaystirka hawlo qabyo ah oo muddo noo soo socdey oo ay ka mid tahay iskaashiga ganacsiga, Nabad-gelyada iyo ka hor tagga argagixisada oo labada dawladoodba ku ah dhib joogto ah” ayuu yiri Madaxweyne Dr Cabdiweli.

—Dhammaad—

XAFIISKA WARFAAFINTA, WACYIGELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Leave a comment

*

Archives
August 2016
M T W T F S S
1234567
891011121314
15161718192021
22232425262728
293031  
English Article
PRESS RELEASE-THE GOVERNMENT OF PUNTLAND STRONGLY OPPOSES THE MOGADISHU COMMUNIQUÉ PURPORTING TO ADOPT AN ELECTORAL MODEL FOR 201    January 29, 2016
Uganda says to pull out troops from Somalia over Congo charges    November 2, 2012
CIA Secret Prison in Somalia. P – 1    October 29, 2012
Puntland Condemns Terrorist Attack on Civilians at Mogadishu Restaurant    September 22, 2012
Puntland Welcomes Election of New President of the Federal Republic of Somalia    September 11, 2012
Somali Links
Fatwa Online