Magaalada Stockholm ee xarunta dalka Sweden oo si weyn looga ciiday (Masawiro)

Stockholm:-Waxaa si weyn looga ciiday magaalada Stockholm ee Caasimada dalka Sweden waxaana Khudbadii Ciida akhriyey Sheekh Dr Haaruun Sheekh Xasan .

Jaaliyada Soomaaliyeed ee ku dhaqan dalka Sweden gaar ahaan magaalada Stockholm ayaa si weyn saaka u ciiday waxaana wajiyadooda ka muuqday farxad .

Sheekh Dr Haaruun Sheekh Xasan ayaa Khudbadii ciida waxaa uu aad ugu waaniyey dadweynihii ka soo qeyb galay salaada ciida alle ka cabsi ,midnimo ,iyo in laga shaqeeyo maslaxada guud ee umaada .

Sheekh Dr Haaruun ayaa sidoo kale ku booriyey umada Soomaaliyeed in ay heshiiyaan is cafiyaan ayna gutaan waajibka alle kuna dhaqmaan shareecada Islaamka kana bilaabaan guryahooda .

Sheekh Dr Haaruun Sheekh Xasan ayaa si gaara ula dardaarmay raga waxaana uu ugu baaqay in ay wanaajiyaan gurigooda ayna gutaan waajibkii alle faray oo ahaa in reerka ay ku hogaamiyaan wanaaga .

Gabagabadii ayaa Sheekh Dr Haaruun waxaa uu umada Muslinka iyo gaar ahaan shacabka Soomaaliyeed ugu hambalyeeyey munaasabadda Ciidul Adxaa.

Halgan.net
Stockholm