Maxaa ka Jira wararka Sheegaya in koox ka tirsan Daacish ay qabsadeen degmada Qandala

Boosaaso:-Qaar ka mid ah warbaahinta Soomaaliyeed ayaa sheegay saaka in Maleeshiyaad ka tirsan daacish aysaaka arroortii qabsadeen degmada Qandala oo ka tirsan gobolka barri Degmada ayaa waxaa ay u jirtaa 78KM magaalada Bosaaso ee xarunta ganacsiga Puntland .

Halgan.net ayaa horey u sheegtay in koox yar oo ilaalo u ah C/qaadir Muumin ay in mudo ah ku sugnaa deegaan Timirshe oo aan sidaa uga fogeyn Degmada Qandala.

C/qaadr Muumin ayaa waxaa ay Al-Shabaab ka soo bursadeen Deegaanka Galgala ka dib markii ay ku dagaalameen buuraha Galgala Daacish iyo AL-Shabaab waxaana deegaanka Galgala la wareegay ciidamo ka tirsan Puntland oo ilaa haatan ku sugan.

Maleeshiyaadka uu wato C/qaadir Muumin ayaa gaaraya  70 askari waxaana uu deegaan ahaan ka soo jeedaa Degmada Qandala .

Maleeshiyaadka uu horkacayo C/qaadir Muumin ayaa waxaa Dadka ku sugan degmaada sheegeen in ay malesshiyaadkaan qayb ka tirsan saaka u soo gudbeen dhanka xeebta kuwaasoo xanibay dad kaluumeysato ah.

Dowlada Puntland ayaa horey u ogeyd joogitaanka Maleeshiyaadka Daacish sheegta kuwaas oo uu wato C/qaadir Muumin iyadoo wax talaabo ah ka qaadin.

Wararka ugu danbeeyey ee naga soo gaaraya gobalka Bari ayaa sheegaya in ciidamo ka tirsan Puntland ay u jiheysteen Degmada Qandala kuwaas oo laba jiho ka aaday Degmada .

Wixii warar ah ee soo kordha kala soco Halgan.net

C/Casiis Maxamed
Halgan.net