13 Al-Shabaab ah oo lagu Diley deegaanka Xalfooleey ee gobalka Hiiraan

May 12, 2018 - Written by Editor

Wararka ka imaanaya gobolka Hiiraan ayaa sheegaya in ugu yaraan 13 ka mid ah maleeshiyaadka Al-shabab lagu dilay dhowr qof oo kalena ay ku dhaawacmeen dagaal saakay aroortii dhexmarey maleeshiyaad deegaanka ah iyo Al-shabaab. Dagaalkan oo ka dhacay Xalfooleey oo u dhow Jalalaqsi ayaa bilowday ka dib markii maleeshiyo Al-shabab ka tirsan ay weerar ku qaadeen deegaankan oo dadka ku nool ee xoolaleyda ah ay ka diideen amarro ah inay bixiyaan xoolo ay ku sheegeen sako.

Deegaankana ayaa u jira degmada Buule Barde ilaa iyo 60 km, gudoomiyaha degamada Buula Barde, Cabdiraxmaan Daahir Guure ayaa VOA-da u sheegay in maleeshiyada dagaalka la galay al-shabab ay ka tirsanyihiin maleeshiyo beeleedyo xoolaley ah oo waayadanbe waday kacdoon ka dhan ah Al-shabab oo gobolka looga yaqaan Macawisleey.

Saraakiisha dowladda ee gobolka ayaa dhinaca kale sheegay in ciidamada dowladda ay la wareegeen deegaanno kale oo gobolka ah.

VOA Somalia
Halgan.net

Leave a Reply

Your email address will not be published. Required fields are marked *

*

* Copy This Password *

* Type Or Paste Password Here *

272,513 Spam Comments Blocked so far by Spam Free Wordpress

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>