Madaxweynaha Dowladda Puntland iyo wafdi la socda oo lagu soo dhaweeyey degmada Saaxo.[Masawiro]

Gaalkacyo:-Madaxweynaha Dowladda Puntland Siciid Cabdullaahi Deni iyo wafdi uu hoggaaminayo ayaa siweyn loogu soo dhoweeyay Degmada Saaxo ee gobolka Mudug.

Waa Madaxweynihii ugu horeeyay Dowladda Puntland ee booqda degmada Saaxo, dadweynaha ayaa siweyn usoo dhoweeyay booqashada Madaxweynaha iyo wafdiga la socday.

Madaxweynaha Dowladda Puntland Siciid C/laahi Deni, ayaa markii u gaaray degmada Saaxo waxaa uu kormeeray Ciidamada Darawiishta Dowladda Puntland ee degmada Saaxo isagoona ka dhagaystay warbixin Saraakiisha Ciidamada Daraawiishta ee degmada Saaxo, wuxuuna ballan qaaday dhismaha xerada Ciidamada Daraawiishta ee Saaxo.

Dhinac kale Madaxweynaha Dowladda Puntland Siciid Cabdullaahi ayaa dhagax dhigay mashruuca balaarinta Dhismaha Dugsiga Hoose/dhexe, dhismaha Dugsiga Sare iyo Guriga Hoyooyinka ee degmada Saaxo isla markaasna waxaaa uu xariga ka jaray dhismaha Saldhiga iyo Maxkamadda degmada Saaxo, sidoo kalena waxaa gaadiid Boolis ay dowladdu ku wareejisay taliska Booliska ee degmada .

M_M_Deeq
Halgan.net