18 ka mid ah Militariga Soomaaliya iyo taliyahooda oo weerar lagu dilay

October 15, 2020 - Written by Editor

Ugu yaraan 18 ka tirsan ciidanka milatatiga dawladda Soomaaliya ayaa lagu dilay weerar dhabbagal ah oo shalay galab ka dhacay duleedka degmada Afgooye.

Ilo kala duwan ayaa noo sheegay in ciidanku ay ku jireen rondo ay ka sameynayeen nawaaxiga tuulada Bullalow markii weerarka lagu soo qaaday.

Askarta dhimatay waxaa ka mid ahaa Gaashaanle Dhexe Cabdalle Cali Mire oo ciidanka haystay.

Dhinaca kale ciidanka la weeraray ayaa la sheegay inay dagaalameen oo ay maleeshiyaad ka dileen Al-Shabaab.

Al-Shabaab ayaa iyagu sheegtay tiro intaasi ka badan inay dileen. Saraakiisha milatariga Soomaaliya ayaan weli rasmi ahaan uga hadlin weerarkan.

VOA Somalia
Halgan.net

Comments are closed.