Taliska Booliska Gobalka Bari oo qabtay gacan ku dhiiglayaashii ku dilay duleedka magaalada Boosaaso Naciimo Cabdi Maxamed.[Video]

Boosaaso:-Taliska Booliska Gobalka Bari ayaa caawa Shaaciyay in ciidanka amniga Gobolka Bari ay gacanta ku soo dhigeen 2 gacan ku dhiigle oo ku dilay duleedka magaalada Boosaaso gabar yar oo lagu magacaabi jiray Naciimo Cabdi Maxamed 24-10 lagana helay meydkeeda duleedka Bosaaso.

Taliska Booliska Gobalka Bari ayaa sheegay howl galo socday maalmihii la soo dhaafay ka dib xog ay helleen ciidanka waxaa lagu guulaystay in la qabto arxan laawayaashii dilka foosha xun u geystay Naciimo Cabdi Maxamed.

Taliska ciidanka Gobolka Bari ayaa u sheegay in arxan laawayaashaan laga soo qabtay bariga magaalada Boosaaso ee xarunta Gobolka Bari iyagoona qirtay in ay masuul ka ahaayeen dilkaiyo weliba kufsi ay kula kaceen allaha u naxariistee Naciimo Cabdi Maxamed.

Taliyaha Qeybta Booliska Gobalka Bari G/Sare Xuseen Cali Maxamuud iyo Xeer ilaliyaha gobalka bari Bashiir ayaa warbaahinta u sheegay in Cadaalada la hor geyn doono ragaan arxanlaawayaasha ah iyagoona ciidanku ay u mahad celiyeen shacabka magaalada Boosaaso oo kala shaqeeya soo qabashada raggaan.

A/cawaale
Halgan.net