Taliyaha Qeybta Booliska Gobalka Bari oo sagootiyey Taliyaha ciidanka JFS S/Gaas Cabdi Xassan Maxamed Xija.[Video]

Boosaaso:-Taliyaha Qeybta Booliska Gobalka Bari G/Sare Xuseen Cali Maxamuud ayaa maanta magaalada Bosaaso ka sagootiyay Taliyaha Ciidanka Booliska Soomaaliya S/Gaas Cabdi Xasan Maxamed Xijaar iyo wafdi uu hogaaminayay oo uu qeyb ka ahaa Taliye ku xigeenka Ciidamada Booliska Dowlada Puntland Genaraal Caydiid oo mudo labo maalin ah ku sugnaa magaalada Bosaaso.
Wafdigaan ayaa saaka aroortii ka baxay magalada Bosaaso iyagooan ku si jeeday Caasimada Dowladda Puntland ee Garoowe.

Taliyaha Ciidanka Booliska Soomaaliya Cabdi Xasan Maxamed ayaa Taliska Qeybta Booliska Gobolka Bari uga mahadceliyay soo dhoweynta qiimaha badneed ee magalada bosaaso ay ugu sameeyeen intii ay jogeen halkan waxana si gaar ah ugu amaanay amniga gudaha ee magaalada Bosaaso Taliyaha Qeybta Booliska Gobalka Bari G/Sare Xuseen Cali Maxamuud.

Dhinac kale Taliyaha Ciidanka Booliska Soomaaliya S/Gaas Cabdi Xasan Maxamed Xijaar yaa Madaxweynaha Dowladda Puntland Mudane Siciid Cabdullaahi Deni, uga mahadceliyya qorshihiisa tayeenta dhismaha ciidamada Puntland.

Halgan.net