.gif)
Ciidmada Booliska iyo Madaxtooyada Dowlada Puntland oo howl gal dhinac amniga ka sameeyey Boosaaso.[Masawiro]
February 25, 2021 - Written by EditorBoosaaso:-Ciidmada Booliska iyo Madaxtooyada Dowlada Puntland ayaa saaka ka sameeyay Howlgalo Lagu Xaqiijinayay Amniga Jidadka iyo Suuqyada Bosaaso Taas Oo Looga Goleeyahay Amniga Guud ee magaalada Bosaaso.
Saraakiisha Ciidamada ayaa dadweynaha kula hadlaayey goob walba iyagoona ugu baaqayey in laga wada shaqeeyo Xasiloonida Degmada Boosaaso iyo in shacabka ay qaataan Awaamirta Ciidanka Booliska.
Ciidmada Booliska iyo Madaxtooyada Dowlada Puntland ayaa si joogta ah uga Shaqeeya Sugitaanka Amaanka waxayna marwalaba ay ku sugnaan doonaan goobohooda iyadoo Bulshada laga Ilaalinaayo Khalkhal Amni iyo Xasilooni Daro.
BoolisKa Gobalka Bari ayaa Fariin u diray dhamaan shacabka Boosaaso iyo Waalidiintooda taas oo ku aadan in ay sideedii tahay Awaamiirtii shalay ka soo baxday Yuusuf Cabdi Cartan oo ah ku simaha Taliyaha Qaybta Booliska ee Gobalka Bari.
Ciidmada Booliska iyo Madaxtooyada Dowlada Puntland ayaa uga digay dadweynaha in ay maqlaan kuwa doonaya in ay faafiyaan been iyo arrimo lagu khalkhal gelinayo magaalada Boosaaso ayna abaabulayaan wax lagu sheegay mudaharaad aysan la socon dowladda Hoose ee magaalada Boosaaso cidii falkaas lagu qabtan la horgeyn doono sharciga.
M_M_Deeq
Halgan.net
