Wasiirka Arrimaha Guddaha Puntland oo qado sharaf u sameeyey Waxgaradka beesha Cumar Maxamuud ee ku dhaqan Garoowe

Wasiirka Arrimaha Guddaha Dowladda Puntland Maxamed Cabdiraxmaan Dhabancad ayaa maanta Qado sharaf u sameeyey Masuuliyiinta, Waxgaradka, haweenka ,ganacsatada iyo dhalinyarada Beesha Cumar Maxamuud ee ku dhaqan caasimadda Puntland ee Garoowe.

Kulankaan ayaa daaranaa Baraarujin iyo is xog waraysi ku qotoma xaalada guud ee Puntland iyo gaar ahaan degaanadda beeshu dagto.

Waxaana kulanka kasoo qayb galay Wasiirka Haweenka iyo horumarinta arrimaha qoyska Marwo Aamina Cismaan Xaaji, xildhibaano katirsan Golaha Wakiillada Dowladda Puntland, agaasimayal, lataliyaal sare, Gudoomiye kuxigeenka gobolka Nugaal, Gudoomiyaha Dagmada Burtinle, nabadoono , sarakiil ciidan iyo masuuliyiin kale.

Ugu dambayntii kulanka oo diiradda lagu saaray isku xirnaanta iyo iska warqabka beesha, wada shaqaynta dawladda iyo dad waynaha ayaa ku soo dhammaaday Guul.

Halgan.net