DFS oo sheegtay in ay Heshiis la gashay Wasiir C/Rashiid Janan (Dhageyso)

Muqdisho:-Wasiir ku xigeenka warfaafinta DFS C/raxmaan Yusuf Cumar Al Cadaala ayaa sheegay in DFS heshiis la gaartay wasiirkii hore ee amniga Jubaland Cabdirashiid Xassan Cabdinuur Janan, ka dib markii maanta wefdiga ka socda DFS oo gaaray gobolka Gedo ay soo dhaweeyeen.

Wasiir ku xigeenka ayaa yiri “Wasiir Cabdirashiid Janan oo muhiim u ah nabadda gobolka Gedo ayaa heshiis la gaaray dowladda Soomaaliya… wuxuu ku yimid garasho uu wasiirku gartay in uu u hiiliyo qarannimada iyo dadaal ay bixisay dowladdu.”

Wasiir ku xigeenka warfaafinta DFS , C/raxmaan Yusuf Cumar waxaa uu intaas ku daray in wasiir Janan ay kula kulmeen duleedka degmada Beled-Xaawo ee gobolka Gedo isagoo wata ciidan badan kuwaas oo lagu biirin doono ciidanka DFS.

Dhanka kale Wasiirkii hore ee Amniga jubaland ayaa wareysi uu siiyey Idaacadda BBC-da yiri””Waligeed Jubbaland loo dhan yahay ma aysan dhicin balse hadda ayaan ka shaqeynaynaa dhisiddeeda.”

Hoos ka dhageyso Wareysiga Wasiirkii hore ee Amniga ee Jubaland Cabdirashiid Janan.

Halgan.net