Al-shabaab oo weeraray deegaanka Wisil ee Gal-Mudug

Wisil:-Wararka ka imaanaya deegaanka Wisil ee hoos tagay maamulka Gal-mudug ayaa sheegay in weerar ay ku soo qaadeen ciidamo ka tirsan ururka Al-shabaab waxaan weerarkooda ay la bartilmaamsadeen xerada ciidamada Daraawiishta Galmudug ay ku leeyihiin magaalada Wisil ee gobolka Mudug.

Ciidamad Al-shabaab ayaa ku weeraray gaari uu ka buuxo walxa qarxa xerada ciidamada Daraawiishta Galmudug ay ku leeyihiin magaalada Wisil ee gobolka Mudug ka dibna waxaa halkaas ka bilowday dagaal toos ah iyadoo labada dhinac ay soo kala gaareen khsaaro iskugu jira dhimasho iyo dhaawac.

Taliska Ciidanka xoogga dalka iyo Daraawiishta Galmudug ayaa laga soo xigtay in ay iska caabiyeen weerar alshabaab ay ku soo qaadeen saldhigooda welina uu dagaalku soco dibna ay saxaafadda ula wadaagi doonaa khasaarihi ka dhashay weerarka.

Weerarka saaka ay ku soo qaadeen Al-shabaab xerada ciidamada Daraawiishta Galmudug ay ku leeyihiin magaalada Wisil ee gobolka Mudug, ayaa ku soo beegmay xili saaka 18 ka tirsan amniyaadka Al-shabaab lagu toogtay Waqooyiga magaalada Gaalkacyo ee xarunta Gobolka Mudug.

M_M_Deeq
Halgan.net