Taliska Booliska Soomaaliya oo digniin u diray dhalinyarada Tiktok (Video)

Muqdisho:-Taliyaha Ciidanka Booliska Soomaaliyeed Janeraal Cabdi Xasan Maxamed Xijaar oo maanta shir gudoominya kulan ay isigu yimaadeen saraakiisha ciidamada booliska degmooyinka gobalka Banaadir waxaana kulanka looga hadlay dhaqan xumada ka socota baraha bulshada gaar ahaan Tiktok-ga.

Taliyaha Ciidanka Booliska Soomaaliyeed Janeraal Cabdi Xasan Maxamed Xijaar ayaa si dag uga hadlay muuqaalada anshax xumada ah ee lagu baahiyo baraha bulshada, gaar ahaan Tiktok-ga wuxuuna sheegay in ay talaabo adag ka qaadi doonaan dhalinta dhaqan xumada iyo muuqaalada xun ku faafiya Baraha Bulshada .

Dhanka kale Taliyaha Ciidanka Booliska Soomaaliyeed Janeraal Cabdi Xasan Maxamed Xijaar ayaa sidoo kale ka hadlay xaalada amniga ee magaalada Muqdisho wuxuuna sheegay in xaalada amaanka ay fiican tahay balse ay baryahan soo baxeen dhalinyaro burcada ah oo dhaca ka geysata degmooyinka magaalada Muqdisho.


A/Cawale
Halgan.net