Xabsiga cusub oo laga dhagax dhigay Degmada Badhan ee Gobolka Sanaag.[Masawiro]

Badhan:-Taliyaha Ciidanka Asluubta Dawladda Puntland S/gaas Cali Nuur Cumar ayaa waxaa uu maanta dhagax dhigay Xabsiga Cusub ee G/Sanaag.

Munaasabada dhagax-dhiga jeelka magaalada Badhan ee Gobolka Sanaag ayaa waxaa kala oo ka soo qeyb galay Taliyaha ciidanka asluubta, Agaasimaha guud wasaaradda caddaaladda puntland Ismaaciil Xaaji Cabdi, Guddoomiyaha gobolka Sanaag iyo Maamulka Degmada,Guddida dhismaha jeelka Badhan iyo qeybaha kala duwan ee bulshada.

Taliyaha Ciidanka Asluubta ayaa ku bogaadiyay bulshada Gobolka Sanaag oo isku tashi ku dhisaya Xabsiga ka dib markii Dawladdu dhameysay Saldhigi Boliiska iyo Maxkamadii waxaa bulshada Gobolku qaadatay in ay dhisaan Xabsiga waxaana meel fiican u maraya dhaqaalaha lagu bilaabayo fayska kowaad ee Xabsiga.

Guul iyo Horumar
Xafiiska Warfaafinta & Wacyigelinta