Maamulka Gobolka Mudug oo soo bandhiga hub ciidanku ka qabteen Cabtooy.[Masawiro/Video]

Gaalkacyo:-Gudoomiyaha Gobolka Mudug Mudane Cabdiladiif Muuse Nuur ayaa ka qayb galay Munaasibad lagu soo bandhigayey Qaar ka mid ah noocyada Hubka oo lagu soo qab-qabtay Howlgalada Laamaha Amniga Gobolka Mudug ay sameeyeen maalmihii la soo dhaafay.

Munaasibadan waxaa goob joog ahaa Gudoomiye ku xigeenka Gobolka, Gudoomiyaha Degmada, Taliyaha Qaybta, Gudoomiyayaasha Maxkamada Darajada 1aad iyo Racfaan, Xeerl ilaalinta, Taliyaha Saldhiga dhexe, Agaasimaha Warfaafinta Gobolka, Saraakiil iyo Culimo, Hubkaan oo isugu jiray Qoryaha Fudud, Kuwa garabka laga rido iyo Bambooyin ayaa lagu qabtay Howl galada la dagaalanka maandooriyaha iyo Tuugada dhaca Bulshada.

Gudoomiyaha Gobolka Mudug Mudane Cabdiladiif Muuse Nuur oo ka hadlay munaasibada ayaa Bulshada uga digay qaadashada hubka, isticmaalka Maandooriyaha iyo dhaca Shacabka isagoona sheegay intaas oo marxaladood in loo aqoonsanyahay Argagixisada iyo cid kasta oo lagu arko, Gudoomiyaha ayaa Shacabka faray in ay la shaqeeyaan Laamaha Amniga.

M_M_Deeq
Halgan.net