Wafdi uu hogaaminayo Madaxweynaha JFS oo lagu soo dhaweeyey magaalada Dhuusamareeb.[Masawiro]

Dhuusamareeb:-Waxaa dhawaan Magaalada dhuusamareeb ee Caasimadda Galmudug siweyn loogu soo dhaweeyay Madaxweynaha Jamhuuriyadda Soomaaliya mudane Xasan Sheekh Maxamuud, oo maalmahii la soo dhaafay safar shaqo ku joogay Magaalada Baydhabo ee xarunta Dowlad gobaleedka Koonfur galbeed.
Wafdiga Madaxweyne Xasan Sheekh Maxamuud ayaa waxaa garoonka diyaaradaha magaalada Dhuusamareeb kusoo dhaweeyay Madaxweynaha Dowlad gobaleedka Galmudug Axmed Cabdi Kaariye (Qoor Qoor), Madaxweyne ku xigeenka Gal-Mudug, Wasiiro iyo Xildhibaano ka tirsan dowladda Federaalka iyo qeybaha kala duwan ee Bulshada.

Madaxweynaha dowladda Federaalka Soomaaliya  Xassan Sh.Maxamuud ayaa la filayaa in uu kulamo gooni gooni la yeesho Madaxda Sare ee dowlad Goboleedka Galmudug, Saraakiisha Ciidamada Qalabka sida iyo Odayaasha Dhaqanka Magaalada Dhuusamareeb.

A/cawaale
Halgan.net