Gudoomiyaha Golaha Wakiillada Puntland oo gaaray Degmada Badhan

Badhan:-Guddoomiyaha Golaha Wakiillada Dawladda Puntland Mudane Hon Abdirisak Ahmed Said iyo wefti uu hoggaaminayo oo isugu jira Xildhibaano, Wasiiro, Saraakiil iyo Masuuliyiin kale ee ku sugan Degmada Badhan ee Gobolka Sanaag ayaa Caawa Booqasho, Salaan iyo xog-waraysi ugu tagey Suldaan Maxamed Suldaan Xasan (Suldaanka Nabadda) oo kamida Isimada dhaqanka Puntland.

Guddoomiyaha ayaa Suldaanka uga warbixiyay ujeedka safarkooda ay ugu kuurgalayaan xaaladda guud iyo baahiyaha ka jira Gobolada Haylaan iyo Sanaag.

Ugu danbayn Suldaanka ayaa Guddoomiyaha uga mahadceliyay booqashada uu ugu yimi iyo Safarka ay ku marayaan Gobolada Haylaan iyo Sanaag, isagoo dalka iyo dadkaba ugu duceeyay Xasilooni, Horumar iyo midnimo.

=DHAMMAAD=