Madaxweynaha ku xigeenka Puntland oo qaabilay Madaxa Xiriirka Caalamiga ah ee Safaarada Switzerland

Garoowe:-Ku-simaha Madaxweynaha Ahna Madaxweyne Ku-xigeenka Dowladda Puntland H.E Ilyas Osman Lugatoor, ayaa Xafiiskiisa ku qaabilay Madaxa Xiriirka Caalamiga ah ee Safaarada Switzerland ee Soomaaliya Marwo Martina Durrer iyo wefti ay hogaaminayso.

Kulanka ayaa looga hadlay xoojinta xidhiidhka wadashaqayneed iyo dar-dargelinta Mashaariicda horumarinta ee Switzerland ka taageerto Dowladda Puntland.

Ugu dambayn Ku-simaha Madaxweynaha ayaa uga mahadceliyey dowladda Switzerland kaalinta muhiimka ah ee ay ka qaataan barnaamijyada horumarineed ee ka socda Puntland.

Kulanka waxa qayb ka ahaa masuuliyiin ka socday Hay’adda Save the Children.
—-Dhamaad—