Guddomiyaha Gobolka Karkaar oo ka qayb galay xaflada loo qabtay macalimiin

Qardho:-Guddomiyaha Gobolka Karkaar Mudane Siciid Maxamed Faahiye ayaa ka qayb-galay munaasabad Qado sharaf ah oo magaalada Qardho loogu sameeyay macalimiinta ka hawl-gali doona xaruumaha magaalada Qardho ee lagu qaadi doono imtixaanka shaqaadiga ah ee Puntland.

Munaasabadan qado-sharafta ah oo ay soo agaasimen maamulka dugsiga sarre ee Shiikh Cismaan Qardho ayaa ujeedkedu ahaa in lagu soo dhaweeyo macalimiinta ka hawl-gali doona xaruumaha magaalada Qardho ee lagu qaadayo imtixaanka shaqaadiga ah ee puntland kaas oo si rasmi ah u bilaaban doono maalinta birri ah.

Waxaa munaasabada ka qayb-galay Guddomiyaha Gobolka Karkaar Mudane Siciid Maxamed Faahiye, Guddomiyaha waxbarashada Gobolka Karkaar Bashiir Axmed Gala’eri, Kormeeraha Guud ee wasaarada waxbarashada Puntland Cabduqaadir Yuusuf Nuux, Maamulka dugsiga sarre ee Shiikh Cismaan iyo marti sharaf kale.

no images were found

=DHAMAAAD=
XAFIISKA WARFAAFINTA MAAMULKA GOBOLKA KARKAAR.