Madaxweynaha Galmudug oo ka tacsiyeeyey geerida Abwaan Faarax Qaarey “Jiir”

Madaxweynaha Galmudug Axmed Cabdi Kaariye ayaa ka tacsiyeeyey geerida ku timid abwaan Cabdi-kariin Faarax Qaarey “Jiir” oo xanuun dhanka wadnaha ah ugu geeriyooday magaalada Muqdisho. Madaxweynaha ayaa dhambaal tacsi ah u diray guud ahaan umadda Soomaaliyeed, gaar ahaan qoyskii, asxaabtii, ehelkii, iyo bahda fanka & suugaanta, ee uu ka baxay.
Wuxuuna ALLE uga baryey janatul fardowsa.Allaha u naxariistee marxuumku wuxuu 1943-kii ku dhashay magaalo xeebeedka Hobyo ee gobolka Mudug.Sanadkii 1963 ayuu fanka kusoo biiray isagoo kusoo kordhiyey hal-abuur cusub oo ku aadan cod-samaynta iyo habka laxan-saarka heesaha.

Wuxuu kamid ahaa aas’ aasayaashii kooxda IFTIN ee wasaarada Waxbarashada iyadoo lagu xasuusan doonaa kaalintii uu ku lahaa horumarinta fanka, dhaqanka & suggaanta oo uu in ka badan 50 sano ka shaqeynayey.Samar iyo Iimaan Eeba ha innaga siiyo.

INNAA LI LAAHI WAA INAA ILEYHI RAAJICUUN.
-DHAMMAAD-