Xiisad Dagaal oo laga dareemayo Deegaanada Buulo-Xaaji, Abdalle Biroole iyo Beerxaani

Kismaayo:-Wararka naga soo gaaraya saaka magaalada Kismaayo ee xarunta gobalka J/hoose ayaa sheegaya in ciidamada huwanta ay dhaqdhaqaaq ciidan ay ka wadaan magaalada Kismaayo iyaga oo ciidamo ka tirsan kuwa huwanta ay u dhaqaaqeen Deegaanada Buulo-xaaji, Abdalle Biroole iyo Beerxaani

Deegaanada Buulo-xaaji,  Abdalle Biroole Biroole, Beerxaani  ayaa waxaa ku sugan ciidamo ka tirsan Al-Shabaab waxaaana laga cabsi qabaa in dagaal uu ka dhexqarxo ciidamada huwanta iyo kuwa Al-Shabaab.

Ciidamada DFS kuwa Raaskaambooni iyo ciidamka dalka Kenya  ayaa sida dad goobjoogyaal ah oo ku sugan J/hoose ay sheegayaan waxay u ruqaansadeen deegaanada Buulo-Xaaji iyo  Abdalle Biroole iyo Beerxaani

Ciidamada huwanta ayaa isbuucaan guduhiisa waxay la wareegeen deegaanka Buulogaduud oo 30-KM dhanka waqooyi kaga began magaalada Kismaayo ee xarunta gobalka J/hoose.

Ilaa haatan ma jiraan saraakiil ka tirsan ciidanka huwanta iyo waliba kuwa Al-Shabaab oo ka hadlay xiisada dagaal ee ka taagan deegaanada Buulo-Xaaji,  Abdalle Biroole Beerxaani  .Dadweynaha ku dhaqan Deegaanada Buulo-xaaji,  Abdalle Biroole , Beerxaani  ayaa ka cabsi qaba in lagu kor dagaalamo .

Cabdi Yare
Kismaayo