Madaxweynah PL Dr C/weli Maxamed Cali Gaas oo gaaray degmada Galdogob

Galdogob:-Madaxweynaha dowladda Puntland  Dr C/weli Maxamed Cali Gaas iyo wafdi ka tirsan 2-diisa Gole ayaa saaka gaaray degmada Galdogob ee Gobolka Mudug si ay uga qayb galaan Aaska loo samaynayo marxuun Ugaas Axmed Ugaas Maxamed Cali Geesood oo ahaa Ugaas beesha Tanade Daarood oo shalay  ku geeriyooday Galdogob.

Wafdiga Madaxweynaha owladda Puntlad Dr.Gaas ayaa waxaa kale oo socdaaliisa ku weheliya Issimada waaweyn ee Puntland gaar ahaan  Boqor Burhaan Boqor Muuse iyo Issimo kale oo aan ilaa hadda helin magacyadooda.

Wafdiga Madaxweynaha dowladda Puntland Dr.Gaas ayaa waxaa ku soo dhaweeyey maamulka Gobolka Mudug iyo maamulka degmada Galdogob iyo odayasha dhaqanka , waxgarad , Aqoonyahano iyo bulshada qaybaheed kale duwan.

Allaha u naxariistee Ugaas Axmed Ugaas Maxamed Cali Geesood ayaa waxaa uu ka mid ahaa Issimada waaweyn ee Puntland waxna  ka aasaasay dhismahii dowladda Puntland waxaan ugaas uu ku dhintay 70 jir isagoo mar arrimo caafimaad u aaday dalka Pakistan.

M_M_Deeq
Halgan.net