Ciidanka DFS iyo kuwa AMISOM iyo Al-Shabaab oo ku dagaalamay gobalka Hiiraan

Hiiraan:-Ciidanka DFS iyo kuwa AMISOM ayaa guul ka sheegatay dagaal ka dhacay gobalka Hiiraan gaar ahaan deegaanka Ceel- la helay oo 40 KM koonfur uga beegan magaalada Beledweyne ee xarunta gobalka Hiiraan.

Saraakiil ka tirsan ciidanka DFS ee ku sugan gobolka Hiiraan, ayaa sheegay in ay saaka  weerar ku qaadeen saldhigyo ay Al-Shabaab ku lahaayeen deegaanada deegaanka Ceel- la helay iyo deeganka Nuur Fanax .

Guddoomiye ku xigeenka gobolka Hiiraan  Maxamed Ibraahim Cabdullaahi  ayaa shalay sidoo kale sheegay in ay howlgalo ka dhan ah Al-Shabaab ay ka bilaabeen gobalka Hiiraan .

Wararka ka imaanaya gobalka Hiiraan ayaa xaqiijiyey in dagaal uu dhexmaray ciidamada DFS AMISOM iyo Kooxda Al-Shabaab waxaana  ay ku dagaalameen  deegaanada Ceel Cali iyo deeganka Nuur Fanax . Dagaalka ayaa waxaa la soo sheegayaa in uu dhaliyey khasaaro gaaray labada dhinac balse ma jiraan cid xaqiijin karta guusha ay sheeganayaan laba dhinac .

A/Cawale
Halgan.net