Madaxda Jubbaland iyo siyaasiyinta ka soo jeeda gobolka Gedo oo heshiis gaaray.[Masawiro]

Kismaayo:-Madaxweynaha dowladda Jubaland Axmad Maxamed Islaan Axmed Madoobe ayaa maanta dib ugu laabatay magaalada Ksimaayo ee xarunta Gobolka Jubada Hoose, Madaxweyne Axmed Madoobe iyo wafdigii la socday ayaa waxaa ay maalmahaan ay ku sugnaayeen degmada Doolow ee Gobolka Gedo iyagoo wada hadalo ka dib heshiis la soo gaaray siyaasiyiin ka soo jeeda Gobolka Gedo oo saluugsanaa Maamulka Jubbaland.

Madaxweynaha dowladda Jubaland Axmad Maxamed Islaan Axmed Madoobe oo la hadlay saxaafadda markii uu ku soo laabtay Kismaayo ayaa sheegay in heshiis iyo is afgarad buuxa ay la soo gaareen qaar ka tirsan masuuliyiintii degmada Dolow ayna isla gaareen in laga wada shaqeeyo horumarka iyo taaba gelinta dowladda Jubaland.

Maalin ka hor ayaa Madaxweynaha dowladda Jubaland Axmad Maxamed Islaan Axmed Madoobe, Madaxweyne ku xigeenka Gen.Fartaag , wasiirka arrimaha gudaha Darwiish iyo xubno kale oo wasiiro ah ay safar ku gaareen degmada Doolow waxaan ka dhaca shir socday 2 maalin iyadoo arrimihii la isla soo qaaday dhamaan la isku afgartay la skuna waafaqay in la taageero maamulka Jubaland ee waqtigiisu dhamaadka yahay.

Kulanka ka dhacay degmada Doolow ee Gobolka Gedo ayaa waxaa ka soo qayb galay Maxamed Cabdi Kaliil , C/raxmaan Axmed Amiin , Maxamed Yuusuf Aw-libaax , Maxamuud Sayid Adan iyo Cabdi Barre Shire oo dhamaan ahaa siyaasiyiin si weyn uga soo horjeeday gobolka Jubaland ee uu madaxweynaha ka yahay Axmed Madoobe.

no images were found

Source: Masawirada  DhanaanMedia

A/cawaale
Halgan.net