Madaxweyne Gaas oo Gaalkacyo kaga qeyb-galay Madal aqooneed.[Masawiro]

Gaalkacyo:-Madaxweynaha Dawladda Puntland Dr.Cabdiweli Maxamed Cali Gaas ayaa maanta oo ay taariikhdu tahay 20-8-2015 magaalada Gaalkacyo kaga qeyb-galay Madal aqooneed looga hadlayey arrimaha la xisaabtanka iyo Hufnaanta.

Kullanka oo uu soo qaban qaabiyey Machadka Cilmi Baarista iyo Daraasaadka Siyaasadda Hayaan ayaa waxaa ka soo qeyb-galay Wasiiro, Xildhibaano, Waxgarad, Haween , Dhalinyaro iyo masuuliyiin kale. Madaxweynaha Dawladda Puntland Dr.Cabdiweli Maxamed Cali Gaas ayaa sharaxaad dheer ka bixiyey waxqabadka xukuumadiisa iyo fulinta balanqaadyadii uu sameeyey .

Dadweynihii ka qeyb-galay Kullanka ayaa dhankooda Madaxweynaha waxaa ay weydiiyeen su’aalo la xiriira waxa uga qabsoomay balanqaadkiisa iyo talo soo jeedin , dhammaan su’aalihii la weydiiyeyna madaxweynuhu waa uu ka jawaabay.

Madaxweyne Gaas ayaa Markiii uu soo dhammaaday Madal aqooneedkii looga hadlayey arrimaha la xisaabtanka iyo Hufnaanta ee uu ka qeyb-galay booqday hoyga uu magaalada Gaalkacyo ka dagen yahay Islaan Bashiir Islaan Cabdulle.

no images were found

-DHAMMAAD-

Xafiiska Warfaafinta, Wacyigelinta, Hiddaha Iyo Dhaqanka ee Madaxtooyada Puntland.