Howlgalo ay sameeyeen saaka aroortii ciidamda Puntland ee Gaalkacyo oo dad lagu soo qabtay

Gaalkacyo:-Howlgalo ay sameeyeen saaka aroortii ciidamda Booliska iyo kuwa Daraawiishta ee Puntland ayaa waxaa ay sheegeen in ay soo qab qabteen kooxo lagu eedeeyay in ay falal amni dari ka wadeen magaalada Gaalkacyo.

Ciidamada aad u badan watay gawaarida loo yaqaan Tiknikada ayaa saaka ku soo jarmaaday xaafadaha kala ah Israac, Garsoor iyo New Baqdaad oo dhamaantooda ka tirsan xaafaha magaalada Gaalkacyo ee xarunta gobolka Mudug ciidamada ayaa guri guri u galay qaar ka mid ah xaafadahaas.

Taliyaah qeybta booliska ee gobolka Mudug Aadan Nuur Qaal ayaa saxaafadda u sheegay in ay gacanta ku soo dhigeen dhalinyaro amni daro ka waday gudaha magaalada Gaalkacyo wuxuuna sheegay in ay howlgalda ay sii socon doonaan.

Aadan Nuur QaalTaliyaah qeybta booliska ee gobolka Mudug ayaa ugu baaqay shacabka magaalada Gaalkacyo in ay Booliska nabada kala shaqeeyaan ayna ka hortagaan cid kasta oo lid ku ah amaanka guud ee deegaanada Puntland.

Maamulka Puntland oo uu haatan madax u yahay C/raxmaan Faroole ayaa dadaal ugu jirta sugida amaanka magaalooyinka waaweyn ee Puntland sida Boosaaso Gaalkacyo Garoowe iyo Qardho iyo deegaano kale.

M_M Deeq
Halgan.net