Raisulwasaaraha DFKM Maxamed C/llaahi (Farmaajo) oo dalka dib ugu soo laabtay

Muqdisho:-Raisulwasaaraha DFKM Maxamed Cabdullahi Maxamed Farmaajo oo saakay dib ugu soo laabtay magaalada Muqdisho ka dib markii uu socdaal shaqo ku tagay dalalka kala ah Mareykanka ,Talyaaniga iyo imaaraadka Carabta

Raisulwasaare Farmaajo ayaa ugu horreyntii waxaa uu sheegay in safarkiisii uu ku soo dhamaaday guul wuxuuna warbixin kooban siiyey xukuumadiisa.

Raislwsaarae Maxamed Cabdullahi Maxamed Farmaajo ayaa si kooban u dul maray kulamo uu la qaatay madax ka tirsan QM wuxuuna warbaxin ka siiyey xaalada uu dalka Soomaaliya marayo isaga oo weydiistay in taageero dhan walba ah in la siiyo dowladiisa.

Rasisul wasaaraha DFKM Maxamed C/llaahi Maxamed Farmaajo ayaa sheegay in dowladiisa ama DFKM uu wakhtigeeda ku eg yahay 11 Augost ee 2011 wuxuuna ka digay in loo hangal taago in la kordhisto.

Sidoo kale Raisulwasaaraha DFKM Maxamed Cabdullahi Maxamed Farmaajo wuxuu ka warbixiyey kulamo uu la qaatay madaxda dowlada Talyaaniga wuxuuna sheegay in DFKM loo balan qaaday taageero dhinac walba ah

Ugu danbeyntii ayaa Raisulwasaaraha DFKM wuxuu sheegay in dowladiisa ay siin doonto mudnaanta koowaad amaanka iyo sidii dowlada ay u gaari lahayd dalka oo dhan wuxuuna meesha ka saaray in uusan wax wadahadal ah aysan DFKM la gali doonin Al-qacida iyo kuwa la fikirka ah .

A/Cawale
Halgan.net