Madaxweynaha DFKM oo kormeer ku tagay wasaaradii G/dhiga iyo kuliyadii hore ee Jaale Siyaad

Muqdisho:-Madaxweynaha DFKM Shariif Sh Axmed ayaa maanta booqasho ku tagay fariisimaha ciidamada DFKM ay ku leeyihiin ee degmada Hodon ee gobolka Banaadir iyo wasaaradii hore G/dhiga 

Madaxweynaha DFKM Shariif Sh Axmed ayaa kormeerkiisa waxaa ku weheliyey wasiiru-dowlaha wasaaradda G/dhiga Cabdi Maxamed Abtdoon taliyaha ciidanka DFKM Gen C/qaadir Sh Cali Diini, Abaanduulaha Ciidanka milatariga Gen C/kariin Yuusuf Dhego badan iyo saraakiil kale .

Madaxweynaha DFKM ayaa kulan waxaa kula yeeshay wasaaradii hore G/dhiga saraakiil ka tirsan AMISOM iyo kuwa DFKM wuxuuna salaan sharaf ka qaatay ciidamo DFKM iyo Kuwa AMISOM.

Madaxweynaha DFKM ayaa ku dhiiro galiyey ciidanka DFKM in ay wadaan dagaalka ay kula jiraan Al-Shabaab wuxuuna sheegay in dowladiisa ay horumar ka sameysay gobalada dalka dagaalka ay kula jirto Al-Shabaab.

Kormeerka Madaxweynaha DFKM kuma ekeyn kaliya Degmada Hodan iyo Wasaarada G/dhiga balse wuxuu u gudbay kuliyadda Jaalle Siyaad oo ay ku sugan yihiin ciidamo ka tirsan AMISOM waxaana halkaas ka jirtay xaflad lagu sogootinayey taliyihii hore ee ciidamada Burundi laguna soo dhaweynayay taliye cusub.

A/Cawale
Halgan.net