Culimo’udiinka Puntland oo gaaray degaanada ay maasheeyeen roobabka iyo Dabayluhu

Garoowe:-Shabakadda wararka Halgan.net oo saaka xiriir la samaysay culimo’udiinka ku nool Puntland iyagoo ku sugan degaanada ay maasheeyeen roobabka iyo dabaylah ayaa u sheegay in ay ku dhex jiraan qaybinta mucaawino iyo gargaarka ay ka soo aruuriyeyn dad weynaha ku dhaqan deegaanada Puntland.

Sh Axmed Daahir oo saaka aan kula xiriirnay khadka Teleefanka ayaa waxaa uu noo sheegay in xaaladu ay fiican tahay ayna ku gudo jiraan aruurinta qoysaska dhibku gaaray iyo siddii loo gaarsiin lahaa gargaarka deg deg ah. Culimo’ udiin iyo ducaad uu hor kacayo Sh Daahir Aw Cabdi iyo Sh Axmed Daahir ayaa shalay ka baqoolay magaalada  Boosaso ee xarunta Gobolka Bari waxaan ay gaareen degaano ku yaal Gobolka Nugaal oo khasaaro xooggan ay gaarsiiyeen roobabkii watay dabaylaha iyo duufaanta.

Warbixinta culimada ayaan dib idinkaga soo gudbin doonaa haddii Alle idmo ee ha moogaanina

M_M_Deeq
Halgan.net