Dagaal u dhaxeeya Galmudug iyo Puntland oo ka qarxay deegaanka Godod

Gaalkacyo:-Wararka hadda naga  soo gaaraya magaalada Gaalkacyo ee xarunta Gobalka Mudug ayaa sheegaya in iska horimaad culus uu ka qarxay deegaanka Godod oo 30 KM u jirta magaalada Gaalkacyo .

Wariyaha Halgan.net ee magaalada Gaalkacyo ayaa sheegaya in dagaalka uu socdo haatan waxaana sarkaal ka tirsan ciidanka Daraawiishta Puntland uu ku eedeeyey Galmudug in ay duulaan ku soo qaadan Deegaanka Godod waxaana uu sheegay in ay dib isaga caabiyeen.

Maamulka Galmudug ayaan wili ka hadal dagaalka saaka ka soo cusboonaaday deegaanka Gododo oo u jirta 30-KM u jira magaalada Gaalkacyo ee xarunta gobalka Mudug.

Waxgaradka labada Maamul ee Galmudug iyo Puntand ayaa ku baaqay in la joojiyo colaada haatan ka soo cusboonaatay deegaanka Godod.

Wixii Warar ah ee soo kordha kala soco Halgan.net

M_M Deeq
Halgan.net