.gif)
Doodii Mooshinkii ka dhanka ahaa Xukuumada Saacid oo dib loo dhigay maalinta Birito ah
November 30, 2013 - Written by Editor
Muqdisho:-Gudoonka Baarlamaanka DFS ayaa maanta mar kale dib u dhigay in laga doodo mooshinka ka dhanka ah xukuumada Raisulwasaaaraha DFS Cabdi Faarax Shirdon Saacid
Gudoonka ayaa dib u dhigay maalinta birito ah mooshinka laga soo gudbiyey xukuumada Raisulwasaare Saacid ka dib markii laga akhriyey baarlamaanka DFS xildhibaanada soo gudbiyey Mooshinka
Kulanka Baarlamaanka DFS ayaa waxaa soo xaadiray xildhibaano ka badan 2oo oo xildhibaan waxaana taageerayaasha Raisulwasaare saacid ay codsadeen in dib loo dhigo mooshinka si ay u soo akhriyaan waxyaabaha lagu eedeeeyey xukuumada iyo xildhibaanada ku saxiixan.
Kulanka ayaa waxaa furay guddoomiyaha baarlamaanka DFS Maxamed Sheekh Cismaan Jawaari wuxuuna ugu baaqay xildhibaanada in ay ajandaha ka doodaan oo ay xilkooda u gutaan si ay alle ka cabsi ku dheehan tahay.
Kooramka Xildhibaanada Baarlamaanka DFS ayaa waxaa soo xaadiray 248 xildhibaan ,waxaana mooshin ka dhan ah xukuumada soo gudbiyey 165xildhibaan sida uu gudoonka baarlamaanka xaqiijiyey.
Ugu dambeyntii ayaa guddoonka baarlamaanka DFS soo xiray doodi mooshinka waxaana uu sheegay in maalinta berrito laga doodi doono mooshinka laga keenay xukuumada Raisulwasaare Saacid.
A/Cawale
Halgan.net
