Golaha isutaga Iimaamyada ee W/Maraykanka oo lacag deeq ah ku wareejiyey Hay’addaha Haro iyo Red

Minneapolis :-Xaflad si wanaagsan loo soo agaasimay ayaa xalay waxaa lagu qabtay masaajidka weyn ee Abubakar As sadiiq ee magaalad Minneapolis. Xafladaas oo ay soo qaban qaabiyeen Golaha Iimaamyada &Masjid Abu-bakar.Xafladaas oo Goluhu ku wareejinayay Tabarucaadkii ay u sameeyeen Walaalahood ay ku habsatay dhibaatadii weynayd ee ka dhacday Gobollada Nugaal, Bari, Karkaar iyo Gardafu. Xafladaas ayaa Waxaa lagu gudoonsiiyay Hayadaha kala ah HARO iyo READ Lacag cadadkeedu yahay &80,000 oo dollar Lacagtaas oo ay gaarsiinayaan hayadahaas dhibanayaasha.

Xaflada ayaa waxaa ka soo qayb galay culimo,Odayaal iyo Marti sharaf faro badan waxaana halkaa hadalo wax ku ool ah ka  soo jeediyay, Gudoomiyaha guud ee Golaha Iskutaga Masaajidda ee W/Maraykanka Sh.Abdirahman Shiikh Cumar,Lacagtana Gudoonsiyaya Hay’dahaas.

Sidoo kale Waxaa isna Goobta ka hadlay Gudoomiyaha Gudiga Fulinta ee Majliska Sheikh Abdullahi Abul-Fadli,sharax dheerna ka bixiyay hawshan baaxadeeda iyo siduu goluhu ugu istaagay,gurmadaka walaalaha dhibku gaaray iyo inay wali socoto hawsha gurmadka.

Sidoo kale Sh.Abdirisaq Haashi oo ah Imamka masjid Abubakar ayaa hadalo kooban oo Mahad naq ah ka jeediyay goobta,Waxaa kale oo isna hadalo soo dhawayn iyo warbixino iskugu jirto jeediyay, Gudoomiyaha Masaajidka Abubakar Shiikh Abdirashiid Bare Muse. Waxaa iyagana goobta ka hadlay odayaasha Magaalada Minneapolis Una mahad celiyay,culimada iyo dadaalkay muuji yeen.

Ugu danbayntii ayaa waxaa goobta ka hadlay Sh.Ali Haji oo matalayay HARO & Sh.Bille Sugulle oo matalayay Read oo iyagana balan qaaday inay gaarsiin doonaan Amaanadan meeshii loogu talagay.

Xafiiska Dacwada iyo Iclaanka ee Golaha Isutaga Masajida
Minneapolis/Mn