Gudoomiyaha Gobalka Mudug Maxamed Yuusuf Tigey oo dib ugu soo laabtay Gaalkacyo (Dhageyso)

Gaalkacyo:-Gudoomiyaha gobolka Mudug Maxamed Yuusuf Jaamac Tigey ayaa maanta dib ugu soo laabtay magaalada Gaalkacayo ee xaruunta gobalka Mudug, waxaana uu socdaal kala duwan ku soo bixiyey wadamada Afrika iyo Yurub .

Gudoomiyaha Gobolka Mudug Maxamed Yuusuf Jaamac Tigey ayaa waxaa ku soo dhaweeyey garoonka Diyaaradaha ee C/laahi Yuusuf Ahmed Maamulka Degmada, Odoyaal iyo Ururada Bulshada rayidka iyo xubno ka tirsan Maamulka gobalka Mudug .

Maxamed Yuusuf Jaamac Tigey ayaa waxaa uu sheegay in uu kulamo kala duwan laqaatay wasiiro ,xilibaano ka tirsan dowlada Denmark iyaga oo balan qaaday in ay Puntland ugu deeqeen qalab lagu dhiso jidadka si wax looga qabto bilicda magaalada Gaalkacyo.

Gudoomiyaha gobolka Mudug Maxamed Yuusuf Jaamac Tigey ayaa mudo labo bilood  safar ugu maqnaa dalka dibadiisa waxaana beenoobay warar ay faafiyeen qaar ka mid ah warbaahinta Soomaaliyeed oo sheegay in uu iska dhiibay Yurub.

Hoos ka Dhageyso Gudoomiyaha gobolka Mudug Maxamed Yuusuf Jaamac Tigey oo la hadlay saxaafada markuu ka soo Degay Garoonka C/laahi Yuusuf

M_M Deeq
Halgan.net