Madaxweynaha Puntland oo furay mashruuc ka hortaga Tacadiyada Dumarka iyo Caruurta

Garowe:-Madaxweynaha dowladda Puntland Dr. Cabdiraxmaan Maxamed Maxamuud Faroole ayaa maanta furay mashruuc khuseeya xuquuqda Dumarka iyo Caruurta waxaana mashruuca helgaliyey Midowga Yurub iyo Hay’ada socdaalka iyo muhaajiriinta dunnida ee IOM

Furitaanka Mashruuca ayaa waxaa ka hadlay Madaxweynaha Puntland Dr C/raxmaan Faroole waxaana uu u mahad celiyey Midowga Yurub gaar ahaan safiirada UK, USA, Itlay. France iyo Austorlia.

Madaxweynaha Puntland ayaa sheegay in deegaanada Puntland ay ku jiraan meelaha ugu degan ee xasiloon oo aan waxdhibaato ah loogu geysan dumarka iyo Caruurta waxaana uu sheegay in Mashruuca lagu hergalin doono  3 milyan oo dollar oo ay bixinayaan midowga Yurub
Madaxweynaha Puntland ayaa uga mahadceliyey Midowga Yurub sida ay mar walba u garab taagan yihiin dowlada Puntland waxaana uu sheegay in Mashaariic kala duwan ay ka fuliyeen deegaanada Puntland.

Deegaanada Puntland ayaa dhowr jeer waxaa ay ciidamada amaanka gacanta ku dhigeen tahriibayaal iyo rag ka ganacsada Caruurta waxaana lagu xukumay xabsiyo kala duwan.

Madaxweynaha Puntland ayaa sheegay in ay ka xunyihiin tacadiga loo geysto dumar gaar ahaan kufsiga iyada oo dumar lagu kufsaday deegaano ka tirsan Soomaaliya iyo xeryaha qoxootiga dhadhaab ee dalka Kenya .

M_M Deeq
Halgan.net