Madaxweynaha Puntlland oo ka hadlay khasaarihii ka dhashay Roobab dabaylo wata oo ka da’ay Puntland

Garoowe:-Roobbab dabaylo iyo duufaano wata ay ka da’ayaan degaanada  Puntland ee ku teedsan xeebaha badweynta Hindiya ee Puntland waxaan ilaa hadda wararku  ay sheegayaan in ilaa 100 qof  ay ku dhin teen. Roobabkaan wata dabaylaha ayaa  waxaa ay bilaawdeen maalintii Sabtiga ahayd waxaan degaanada dhibku ka dhacay ugu badan degaanada dhinac Bariga walow la sheegay in robbabku ay gaareen dhinac Waqooyi.

Deegaanada dhibaatada ugu badan ay ka dhacday ayaa waxaa ka mid ah Dangaro , Eyl iyo Bayla walow ay jiraan degaano kale oo khasaaro dhimasho iyo hantiyeed ay gaartay balse ay adag tahay in la hello xog dhamaystiran maadaam is gaarsiintu ay go,an tahay.

Madaxweynaha Puntlland Dr.C/raxmaan Faroole oo saaka la hadlay saxaafada ka dib kulan uu la yeeshay ilaa 30 hay’addood isagoo sheegay in ay dhiseen gudi loogu magacdaray Badbaado uuna madax u yahay Wasiirka Qorshaynta iyo xiriirka caalamga ah,Wasiirka caafimaadka Dr Cali Warsame, Wasiirka Arrimaha gudah  Gen. C/llaahi Ilka Jir iyo Hay’ adda maareynta masiibooyinka Puntland ee HADMA.

Madaxweynaha Puntlland Dr C/raxmaan Faroole ayaa ugu baaqay ganacsatada iyo shacabka Puntland in ay dowladda ku taageeraan wax u qabadka dadka dhibaatada ku dhacday oo u badan dad reer guuraa ah oo ku hanti beelay roobabka iyo dabayalha ku dhuftay degaanadooda.

M_M_Deeq
Halgan.net