Madaxweyne ku xigeenka Puntland Gen.C/samad Cali Shir oo tegay deegaanka Tukaraq

Garoowe:-Madaxweyne ku xigeenka Puntland dowladda Gen.C/samad Cali Shire ayaa socdaal kormeer ah ku gaaray  deegaanka Tukaraq ee Gobolka Sool. Madaxweyne ku xigeenka Puntland oo ay la socdaan ciidamo fara badan iyo gaadiid dagaal ayaa la filayaa in uu kulamo la qaadan doono odayaasha dhaqanka  Gobolka Sool.

Madaxweyne ku xigeenka Puntland Gen.Cabdisamad Cali Shire ayaa waxaa uu ka soo socdaal magaalada Taariikhiga ah ee Taleex oo uu in mudo ah ku sugnaa isagoo kulamo gooni gooni ah la qaatay odayaasha dhaqanka, waxgaradka, aqoon yahanada iyagoo ka wada hadlay siddii degmada Taleex looga hirgelin lahaa mashaariic horimarineed.

Dhinac kale  magaalada Taleex ayaa waxaa ka socda shira ay yeelanayaan beel ka mid ah beelaha gobollada Sool , Sanaag iyo Cayn waxaan la filayaa in dhawaan ay ka soo baxaan qodobo lagu turxaan bixinayo wixii ka dhex jiray beesha ka dibna waxaa ay beeshu kulamo la qaadan doontaa beelaha kale ee dega Gobollada Sool ,Sanaag iyo Cayn.

Warka oo faah faahsan dib ayaan idinkaga soo gudbin doonaa insha Allaahu

M_M_Deeq
Halgan.net