Mooshin ka dhan ah Ra’iisulwasaare Saacid oo si xowli ah uga socda Muqdisho

Muqdisho:-Wararka naga soo gaaraya magaalada Muqdisho ayaa sheegaya in Xildhibaano ka tirsan Baarlamaanka DFS ay bilaabeen mooshin ka dhan ah Ra’iisul wasaaraha DFS Cabdi Faarax Shirdoon (Saacid).Xildhibaanada wada Mooshinka ayaa gaaraya ilaa 100 Xildhibaan waxaana warar hordhac ah ay sheegayaan in ay mooshinka u gudbiyeen Gudoomiye kuxigeenka labaad ee Baarlamaanka Mahad Axmed Cawad  oo haatan ah ku simaha Gudoomiyaha baarlamaanka Dowladda Federaalka Soomaaliya .

Gudi hoosaadyada golaha Baarlamaanka DFS ayaa shir ka yeelan doona mooshinka laga keenay Ra’iisulwasaare Saacid iyaga oo ugu danbeyn geyndoona maalinta sabtiga ah Baarlamaanka DFS.Khilaafka u dhexeeya Madaxweynaha DFS Xassan Sh. Maxmuud iyo Ra’iisulwasaare Saacid ayaa gaaray halkii ugu sareeyey waan la wada dhowrayaa halka uu ku danbeeyo.

Ra’iisulwasaaraha DFS Cabdi faarax Shirdoon Saacid ayaa dhankiisa ka wada dadaal uu ku helayo kalsoonida xildhibaanada DFS waxaana socoda loolan culus. Dhanka kale warar qaar ayaa sheegaya in sirdoonka dowladaha Qadar iyo Masar ay gacanta kula jirto khilaafka ka dhex aloosan madaxada DFS .

A/Cawale
Halgan.net