Shirka dib-u-hehiisiinta Jubbooyinka oo dib u dhacay iyo Ahmed Madoobe oo gaaray Muqdisho(Dhageyso)

Muqdisho:-Wararka naga soo gaaray magaalada Muqdisho ayaa sheegaya in uu dib u dhacay mar kale shirka Shirka dib-u-hehiisiinta gobalada Jubbooyinkaiyo Gedo   oo la filayey in uu galabta ka furmo magaalada Muqdisho.

Ilo wareed lagu kalsoon yahay oo ku dhow DFS ayaa Halgan.net u sheegay in uu dib u dhacay Shirka dib-u-hehiisiinta gobalada Jubbooyinkaiyo Gedo ka dib markii ay dib u dhaceen qaar ka mid ah Ergooyinka lagu casumay Shirka dib-u-hehiisiinta gobalada Jubbooyinkaiyo Gedo .

Shir dib-u-heshiisiinta ee loo qabanayo beelaha degan gobollada Jubbooyinka iyo Gedo ayaa waxaa ku baaqday  dowlada federaalka Soomaaliya waxaana ka soo qeybgali doona ma’suuliyiin ka socota DFS ,maamulka KMG ah ee Jubba iyo wakiillo ka socda beesha caalamka waxaana la filayaa in maalinta birito ah uu ka furmo Muqdisho.

Dhanka kale waxaa gaaray magaalada Muqdisho wafdi balaaran oo uu hogaaminayo madaxweynaha Maamulka KMG ee Jubba Ahmed Maxamed Islaam (Ahmed Madoobe) waxaana ku soo dhaweeyey Garoonka Aden Cade masuuliin ka tirsan DFS.

Wasiir ku xigeenka  Wasaarada Warfaafinta,boostada iyo Isgaarsinta C/shakuur Cali Mire ayaa galabta  shir jaraa’id ku qabtay magaalada Muqdisho ayaa waxa uu ka hadlay waxyaabaha keenay in uu dib u dhaco Shirka dib uheshiisiinta Jubbooyinka iyo Gedo.

Hoos Ka Dhageyso shir jaraa’id uu ku qabtay Muqdisho C/shakuur Cali Mire Wasiir ku xigeenka  Wasaarada Warfaafinta,boostada iyo Isgaarsinta

C/Casiis Maxamed
Halgan.net