Shirka dib u heshiisiinta ee gobalada Jubooyinka iyo Gedo oo ka furmay Muqdisho.

Muqdisho:-Shirka dib u heshiisiinta ee gobalada Jubooyinka iyo Gedo ayaa waxaa uu maanta ka furmay magaalada Muqdisho gaar ahaan  Hotelka Jazeera waxaana shirka ka soo qeyb  Ra’iisul Wasaaraha JFS  Cabdi Faarax Shirdoon Saacid.

Hotel Jazeera ayaa waxaa ku sugan Ergooyin ka socda gobalada  Jubooyinkaiyo Gedo ,odayaasha dhaqanka,  xubno ka socda Beesha Caalamka,Madaxada Maamulka Jubba iyo wasiiro ka tirsan DFS.

Wasiirka Arrimaha gudaha ee DFS ayaa shirka ka hadlay waxaana uu sheegay in ay muhiim tahay in ay heshiiyaan dhamaan beelaha ku dhaqan gobalada Jubooyinka iyo Gedo  wuxuuna sheegay in DFS ay arinkaas ka shaqeysay.

Waxaa sidoo kale ka hadlay Madasha shirka Madaxweynaha Maamulka KMG ee Jubba Ahmed Maxamed Islaam (Ahmed Madoobe) wuxuuna u mahad celiyey madaxda DFS isaga oo guul ku tilmaamay  heshiiskii Addis Ababa ay ku gaareen Maamulka Jubba iyo DFS.

Amaanka magaalada Muqdisho ayaa si weyn loo adkeeyey waxaan la joojiyey dhamaan socodka gawaarida wadooyinka ku dhow Hotel Jazeera ee uu ka socdo shirka.

A/Cawale
Halgan.net