Wasiirka Caafimaadka Puntland oo ka hadlay shir ka socda Muqdisho (Dhageyso)

November 9, 2013 - Written by Editor

Garoowe:-Wasiirka wasaaradda Caafimaadka Dowladda Puntland Dr.Cali Cabdilaahi Warsame ayaa sheegay in aysan wax shaqo ah ku lahayn shir looga hadlayo caafimaadka Soomaaliya oo ka socda magaalada Muqdisho.

Wasiirka wasaaradda Caafimaadka Puntland ayaa sheegay in aysan jirin ergo ka socta Puntland oo joogta shirka ka socda Muqdisho waxaana uu carabka ku adkeeyey in mar hore xiriirkii wada shaqaynta dowlada federaalka Somalia ay joojiyeen Puntland .

Wasiirka ayaa waxaa wareysiga uu siiyey Radio Garoowe waxaana uga hadlay sidoo kale shir uu uga qeyb galay dowlada Cumaan kaas oo looga hadlayey xalista cudurka dabaysha wuxuuna sheegay in balan qaad badan loo fidiyey dowlada Soomaaliya iyo Syria.

Khilaafka ka dhexaloosan Puntland iyo dowlada federaalka ee Soomaaliya ayaa maraya meel xasaasi ah waxaana ay dowlada Puntland dowr jeer ay eedeymo u jeediyeen DFS waxaana ugu danbeysay dagaaladii ka dhacay deegaanka Godod oo lagu eedeyey DFS.

Hoos Ka Dhageyso wareysi uu siiyey Dr.Cali Cabdilaahi Warsame Radio Garowe uuna kaga hadlay Shirka Caafimaadka ee ka socda Muqdisho