Xaji Maxamed Yaasiin oo $10,000 ugu deeqay dadweynaha duufaanada ku dhufteen

Nairobi:-Musharax Xaaji Maxamed Yaasiin oo ka mid ah musharraxiinta u taagan qabashada madaxtinnimada Puntland ayaa maanta waxaa uu shirjaraa,id ku qabtay magaalada Nairobi ee xarunta dalka Kenya waxaana uu ugu deeqay lacag dhan $10,000 dadweynaha ay ku ceyrtoobay duufaanada ku dhuftay deegaaano ka tirsan Puntland.

Musharax Xaaji Maxamed Yaasiin ayaa sidoo kale codsi u diray dhamaan Maamulada iyo Shacabka Soomaaliyeed waxaana uu ugu baaqay in loo gurmado kaalmo degdeg ahana lala gaaro shacabka ku ceyrtoobay duufaanada.

Xaaji Maxamed Yaasiin  ayaa ugu baaqay Musharaxiinta u tartamaya madaxtinnimada Puntland  in lacagta laaluushka ah ay siinayaan Xildhibaanada Puntland si ay u qabtaan talada Puntland ay uga farxiyaan shacabka ay dhibaatada baaxada leh ay heysato waxaana uu yiri “Lacagta xildhibaanada looga farxinayo shacabka dhibaataysan ha looga farxiyo, si aad ducadooda u heshaan”

Waa Musharixii Labaad ee u taagan madaxtinnimada Puntland ee lacag ugu deeqa dadka ay ku dhufeen duufaanada iyo roobabka dabeylaha wata ,waxaana horey lacag 5000 $ sidoo kale ku deeqay Musharax Cali Xaaji Warsame.

Culumada,isimada iyo Waxgaradka Puntland ayaa si xowli ah ku wada gurmad waxaana galabta gumadka ku soo biiray gobalka Mudug iyaga oo deeq kala duwan iska soo uruurshay.

A/Cawale
Halgan.net