4 dhalinyaro oo lagu eedeeyay in ay yihiin Shabaab oo xukun dil ah lagu fuliyay.

Muqdisho:-Maxkamadda ciidamada DFS  ayaa maanta waxay  xukun dil ah ku fulisay afar dhalinyaro oo ay ku sheegtay inay ka tirsanaayeen Amniyaadka kooxda Al-Shabaab.

Guddoomiyaha maxkamadda darajada koowaad ee ciidamada DFS  Liibaan Cali Yaroow ayaa ku eedeeyey dhalinyarada maanta la toogtay in ay  dilal iyo qaraxyo ka fuliyeen magaalada Muqdisho .

Dhalinyarada maanta lagu toogtay magaalaada Muqdisho ee lagu eedeeyey in ay ka tirsan yihiin Amniyaadka Al-Shabaab dilalna ka geysteen magaalada Muqdisho ayaa waxaa ay kala yihiin.

1.Axmad Jaamac 25 Jir ku dhashay Degmadda Burco ee Togdheer
2-Mustaf Maxamuud Shidane, 22 Jir ku dhashay Guriceel
3-C/naasir Khaliif Maxamad 21 Jir ah, ku dhashay Guriceel,
4-Nuur Cabdulle Cawaale 21 jir ah ku dhashay Ceelbuur-Galgaduud

Ilaa haatan ma jiraan cid ka tirsan Al-Shabaab oo ka hadlay dhalinyarada maanta lagu toogtay magaalada Muqdisho.

A/Cawale
Halgan.net