Gaari laga soo buuxiyey walxaha qarxa oo lagu qabtay Guriceel

Guriceel:-Wararka ka imaanaya Degmada Guriceel ee Gobolka Galgaduud ayaa sheegaya in Ciidamada Amaanka Degmada Guriceel ay maanta gacanta ku dhigeen gaari laga soo buuxiyey Walxaha Qarxa oo la rabay in lagu filiyo weerar is miidaamin ah.

Ciidamada amaanka ee Degmada Guriceel ayaa waxaa ay gaariga waday walxaha qarxa ku qabteen kontoroolka laga soo galo magaalada waxaana gaariga la socday 3 nin waxaana lagu xiray saldhiga Degmada.

Taliyaha saldhigga booliska Guriceel Gallad Maxamuud Qeelye oo la hadlay warbaahinta magaalada Muqdisho ayaa sheegay in dhamaan dadka ay qabteen ay ku wadaan baaritaan ayna soo bandhigi doonaa wixii ka soo baxa baaritaanka.

Ilaa haatan ma jirto cid ka tirsan Al-Shabaab oo ka hadashay gaariga miineysan iyo 3 nin ee la socotay ee lagu qabtay Guriceel.

A/Cawale
Halgan.net