Ninkii sahlay weerarkii Villa Soomaaliya qorshihiisuna ahaa in lagu dilo Ra’iisul wasaaraha DFS oo la soo bandhigay.[Video]

Muqdisho:-Warbaahinta dowladda federaalka Soomaaliya ayaa waxaa ay baahisay waraysi ay la yeesheen nin dhalinyaro ah oo ay qayb ka ahaa weerarkii habeenkii Talaadada  ay ururka al-shabaab ay ku qaadeen Madaxtooyada Villa Soomaaliya. Eedeysanaha la soo bandhigay ayaa waxaa magaciisa lagu sheegay Xassan Muxiyadiin waxaan lagu naanays jiray Bastoolad Weyne ,Eedeysanaha aayaa waxaa dhalay mid ka md ah Imaamka Masjid ku yaal xarunta Villa Soomaaliya waxaan uu  Madaxtooyada u imaam jiray isagoo ka shaqayn jiray shirkad Private oo xafiis ku lahayd xarunta Madaxtooyada ee Villa Soomaaliya.

Ilo lagu kalsoon yahay ayaa sheegaya in weerarkii lagu soo qaaday xarunta  Madaxtooyada ee Villa Soomaaliya la doonayey in lagu khaarajiyo Ra’iisul Wasaaraha dawladda Federaalka Cabdi weli Sheekh Axmed. Eedeysanaha la soo bandhigay ayaa Idaacadda iyo Tv-ga Dowladda Federaalka Soomaaliya SNTV  waxaa uu u sheegay inuu ka tirsanaa ururka Al-Shabab oo ay u iibiyeen baabuurka isla markaana ay siin jireen lacag dhan $200 bishii.

Eedeysane Xassan Muxiyadiin ayaa waxaa kale oo uu qirtay i uu qayb ka ahaa weerar lagu qaaday xarunta Villa Soomaaliya bishii Feberaay iyo weliba weeraradii kale oo ay Al-shabaab u qaadeen xarunta Baarlamaanka , Hoteelladda Maka Al-Mukarama iyo Oriental.

Hoos ka Daawo waraysigisa  wariye C/Casis Afrika uu la yeeshay Xassan Muxiyadiin ee uu baahiyey Tv-ga Dowladda Federaalka Soomaaliya SNTV

A/cawaale
Halgan.net