Puntand oo ku dhawaaqday in maalinta berito ah inay tahay Ciid.

Garoowe:-Wasiirka Wasaarada Diinta iyo Awqaafta Puntland Mudane Ismaaciil Maxamed Warsame oo Warbaahinta kula Hadlay aqalka Madaxtooyada Dowladda Puntland ayaa sheegay in meelo badan oo Puntland ah laga arkay Bisha. ’Meelo badan oo katirsan Puntland ayaa laga arkay Bisha sida Gobolka Bari ayaa waxaa laga arkay Magaalada Xiriiro,Gobolka Kar Kaar ayaa laga arkay Magaalada Duud hooyo iyo Sidookale Magaalada Qardho Gobolada Nugaal iyo Mudugna waa laga arkay’’Ayuu yiri Wasiirku .

Intaas kadib ayaa Madaxwaynaha Dowladda Puntland Dr.Cabdiwali Maxamed Cali Gaas waxa uu shacabka Puntland iyo Dhamaan umadda muslimiinta ah ugu hambalyeeyay Bilashada Bisha,isagoona Alle uga baryay in Caafimaad ay ku ciidaan musliminta oo idil.

‘’Waxaan ugu hambalyayna umadda Maalinta Ciida,waxana ilaahay uga rajaynayaa dhamaanteenba in guul bash bash iyo bar waaqo aanu ku gaarno Sanadka danbe,intii dhimatay oo aan ognahay in ay kujireen dad nagu qaali ah ilaahay ha unaxariisto’’Ayuu yiri Madaxwayne Gaas. Madaxwayne Mudane Cabdiwali Gaas ayaa sidookale shicibwaynaha Puntland ugu baaqay in ay si wadajir ah uga shaqeeyan amniga iyo Kala dambaynta kajirta Puntland si barwaaqo loogaaro.

-DHAMMAAD-

Xafiiska Warfaafinta,Wacyigalinta,
Hiddaha Iyo Dhaqanka ee Madaxtooyada Puntland.