Shirkada barwaaqo oo 2 geela u iibisay maxaabiista iyo Mu,asasada Al-minhaa oo fulisay.[Masawiro]

Garoowe:-Waxaa mashruucaan maxaabiista geela loogu qalayey  loogana farxiyay boqolaal maxaabiis ah oo duruufo kala duwan ku sugan  ,mashruucaan ayaa waxaa maalgaliyay shirkada Sibirka ee Barwaaqo waxaana fulisay Mu,asasada Al-minhaaj xafiiskeeda mashaariicda khayriga ah . Farxadaan ayaa ah mid kusoo beegmaysa xili ay maxaabiis badan ku xiran yihiin saldhigyada kale duwan  ee magaalada Garowe maxaabiistaan oo ku kala xukuman xabsiyo  kale duwan .

Waxaa goobta ka hadlay gudoomiyaha xafiiska mashaariicda ee Mu’ssada Alminhaaj C/raxmaan Macalim Ibraahim  oo faahfaahin dheeraada ka bixiyay mashruucan iyo qiimaha  uu bulshada  u lee yahay isagoo uga mahad celiyay shirkadda barwaaqo  waxaana uu sidoo kale ugu baaqay shirkadaha  kale in ay ku daydaan .

Waxaa isna dhankiisa ka hadlay gudoomiyaha mu,asasada Alminhaaj gobolka Nugaal Sh.Mukhtaar Axmed Faarax Oo u mahadceliyay shirkada barwaaqo iyo xafiiska mashaariicda  ee Minhaaj waxaana uu alle uga rajeeyay khayr badan waxaana uu baaq u diray shirkadaha allah wax siiyay in ay ogaadaan maxaabiista iyo dhamaan dadka aan waxba haysan .

Waxaa iyana dhan kooda soo dhaweeyay geelaan Mu,asasada Minhaaj iyo Barwaaqo soo gaarsiiyeen labada taliye ee xabsiyada loo qaybiyay geelaan waxayna u duceeyeen shirkadii bixisay iyo Mu,asasada Minhaaj oo fulisay waxayna shirkadaha kale ugu baaqeen in ay ku daydaan talaabadaan ku dayashada mudan .

no images were found

Nuur Jaamac  Aadam
Xafiiska warbaahinta
Mu,asasada Alminhaaj