Tartanka Quraanka Kariimka ah ee bisha barakaysan ee Ramadaan oo ka furmay Buuhoodle.[Masawiro]

Buuhoodle:- Jumuciyada u adeegista Quraanka Kariimka ah ee Jumciyatul Nuur oo soo qaban qaabisay tartanka ayaa munaasibada balaadhan oo lagu daahfurayey ku qabatay masjidka weyn ee magaalada Buuhoodle . Qaybaha kala duwan ee bulshada oo ay ugu horeeyaan, Issimo, Cuqaal, Culimo Arday, Waalidiin,jaamacadda bariga afrika faraca Buuhoodle, Bahda Warbaahinta, macalimiinta madarasadaha & arydayda ka qaybgelaysa Tartanka ayaa ka soo qayb galay munaasibada lagu daah furayey tartanka Quraanka Kariimka ah.

Sh Cumar Maxamuud Maxamed oo ah gudoomiyaha Jumciyada Al-Nuur ee gobolka Cayn oo madasha ka hadlay ayaa sheegay in Tartanka ay ka qayb gelayaan ilaa 13 madarasadood kuwaas oo ku tartami doona mustawayaal kala duwan.

Intaas ka dib waxaa hadalka isaga danbeeyey, Culimo, Aqoon yahano, Waalidiin, Macalimiin & dadkii kasoo qaybgalay munaasibada furitaanka Tartanka Quraanka kuwaasoo dhamaan tood bogaadiyey hawsha ay isu xilsaartay Jumciyada Al-Nuur ee Tartanka Quraanka Kariimka ah. Issimada gobolka cayn ayaa ugu danbayntii soo gunaanaday munaasabadda si rasmiyana ugu furay ardaydii tartanka quraanka.

no images were found

Halgan.et/Buuhoodle